येवला नाशिक धक्कादायक! सागाचे अवघे १ झाड तोडण्यासाठी संपूर्ण वन विभागच विकला; ११,५०० रुपयांची लाच घेताना ८ जण एसीबीच्या जाळ्यात

 येवला नाशिकधक्कादायक! सागाचे अवघे १ झाड तोडण्यासाठी संपूर्ण वन विभागच विकला; ११,५०० रुपयांची लाच घेताना ८ जण एसीबीच्या जाळ्यात **नाशिक / येवला:** शासकीय कार्यालयांमध्ये भ्रष्टाचाराची पाळेमुळे किती खोलवर रुजलेली आहेत, याचा एक अत्यंत क्लेशदायक आणि धक्कादायक नमुना येवला येथील वनक्षेत्र अधिकारी कार्यालयात पाहायला मिळाला. सागाचे अवघे एक झाड तोडण्याच्या परवानगीसाठी संपूर्ण कार्यालयानेच जणू लाचेचा बाजार मांडला होता. अवघ्या ११ हजार ५०० रुपयांची लाच घेताना वनपाल, वनरक्षक, लिपिकापासून ते थेट वनमजूर आणि खाजगी चालकापर्यंत अशा एकूण ८ जणांना लाचलुचपत प्रतिबंधक विभागाने (ACB) रंगेहाथ अटक केली आहे. एकाच वेळी एकाच कार्यालयातील आठ जणांना लाच घेताना पकडण्याची राज्यातील ही पहिलीच मोठी कारवाई ठरली असून, यामुळे वन विभागात प्रचंड खळबळ उडाली आहे. मंगळवार, १८ मे रोजी येवला येथे एसीबीच्या पथकाने ही मोठी कारवाई केली.  नेमकं प्रकरण काय? येवला येथील दहेगाव पाटोदा भागातील एका तक्रारदार शेतकऱ्याला आपल्या शेतातील सागाचे झाड तोडून त्याची रितसर विक्री करायची होती. त्यासाठी त्यांनी येवला वनपरिक्षेत्र कार्यालयात परवानगी मिळण्यासाठी रीतसर अर्ज केला होता. मात्र, नियमानुसार मिळणारी ही परवानगी देण्यासाठी कार्यालयातील अधिकाऱ्याने सुरुवातीला १९ हजार रुपयांच्या लाचेची मागणी केली होती. तक्रारदाराची लाच देण्याची इच्छा नसल्याने त्यांनी याप्रकरणी थेट नाशिक लाचलुचपत प्रतिबंधक विभागाच्या कार्यालयात तक्रार नोंदवली. एसीबीच्या पथकाने जेव्हा या प्रकरणाची पडताळणी केली, तेव्हा कार्यालयातील प्रत्येकाचा हिस्सा आधीच ठरवून ही लाच मागितली गेल्याचे धक्कादायक वास्तव निदर्शनास आले. अखेर तडजोडीअंती ११ हजार ५०० रुपये देण्याचे ठरले.  लाचेचा 'वाटा' टेबलनुसार; कोणाला किती मिळायचे? कार्यालयात भ्रष्टाचाराची साखळी कशी सक्रिय होती, हे एसीबीच्या कारवाईत समोर आलेल्या लाचेच्या वाटणीवरून स्पष्ट होते: 

आरोपीचे नाव व पद | लाचेचा हिस्सा (रु.) भाऊसाहेब पंढरीनाथ माळी** (वनपाल, राजापूर) - *मुख्य आरोपी | ५,०००/- |  पंकज राजेंद्र नागपुरे (वनरक्षक, येवला) | २,०००/- प्रवीण बाळासाहेब भोसले (कनिष्ठ लिपिक) | १,०००/- | | **आकाश नामदेव कोळी** (कार्यालयीन वनरक्षक) | १,०००/- | विजय शिवाजी लोंढे (अधिसंख्य वनमजूर) | १,०००/- | निखिल सुनील आरणे (खाजगी डेटा ऑपरेटर) | १,०००/- *सुनील भगवान भरुक** (सरकारी वाहनावरील खाजगी चालक) | ५०० या सर्व ७ जणांना एकूण ११ हजार ५०० रुपये (२३ चलनी नोटांच्या स्वरूपात) लाच स्वीकारताना रंगेहाथ पकडण्यात आले. तसेच या संपूर्ण व्यवहारात लाचेसाठी प्रोत्साहन दिल्याबद्दल **रामनाथ लक्ष्मण बोरकडे** (अधिसंख्य वनमजूर) या आठव्या कर्मचाऱ्यालाही अटक करण्यात आली आहे.   येवला शहर पोलिसांत गुन्हा दाखल लाचलुचपत प्रतिबंधक विभागाच्या पोलीस निरीक्षक पूनम केदारे, प्रतिभा आबुज, युवराज खांडवी, प्रभाकर गवळी, गणेश निंबाळकर, नितीन नेटारे आदींच्या पथकाने अत्यंत नियोजनबद्धरीत्या हा सापळा रचून या सर्वांना बेड्या ठोकल्या. या सर्व आठ जणांविरुद्ध येवला शहर पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्यात आला असून, पुढील तपास सुरू असल्याची माहिती एसीबीच्या वर