डोंगराळे येथे ग्रामस्थांच्या वतीने वृक्षारोपण कार्यक्रम संपन्न

 डोंगराळे येथे ग्रामस्थांच्या वतीने वृक्षारोपण कार्यक्रम संपन्न

डोंगराळे, ता. मालेगाव : पर्यावरण संवर्धनाचा संदेश देत डोंगराळे गावात ग्रामस्थांच्या वतीने वृक्षारोपण कार्यक्रम उत्साहात संपन्न झाला. गावातील विविध ठिकाणी वृक्षांची लागवड करून त्यांचे संगोपन करण्याचा संकल्प यावेळी करण्यात आला.

वाढते प्रदूषण, हवामानातील बदल आणि पर्यावरणाचा समतोल राखण्यासाठी वृक्षारोपण व वृक्षसंवर्धन आवश्यक असल्याचे ग्रामस्थांनी यावेळी सांगितले. लावलेल्या झाडांची नियमित देखभाल व पाणी देण्याची जबाबदारी घेण्याचे आवाहनही करण्यात आले.

या उपक्रमात ग्रामस्थांनी उत्स्फूर्त सहभाग नोंदविला. ‘एक झाड लावा, एक झाड जगवा’ असा संदेश देत पर्यावरण संवर्धनासाठी सामूहिक प्रयत्न करण्याचा निर्धार करण्यात आला.